អង្គការថែទាំសុខភាពគ្រួសារកម្ពុជា(រ៉ាក់) គឺជាអង្គការក្រៅរដ្ឋាភិបាលឈានមុខគេ ធ្វើការលើផ្នែក សុខភាពផ្លូវភេទ សុខភាពបន្តពូជ និងសិទ្ធិ។ អង្គការរ៉ាក់បានបង្កើតឡើងតាំងពីឆ្នាំ១៩៩៦មកម៉្លេះ ជាមួយនឹងការប្តេជ្ញាចិត្តខ្ពស់ក្នុងការនាំយកសេវាសុខភាព ដែលមានគុណភាពជូនដល់ប្រជាជន។

ក្នុងនោះដែរ គម្រោងយុវវ័យរបស់អង្គការរ៉ាក់ បាននឹងកំពុងតែធ្វើការយ៉ាងសកម្មក្នុងខេត្តគ្របដណ្តប់ចំនួន៣ គឺខេត្តកំពត ខេត្តសៀមរាប និងខេត្តបាត់ដំបង ក្នុងការលើកកម្ពស់សុខភាព និងសុខុមាលភាពរបស់យុវវ័យតាមរយៈ (១)ការអប់រំលើរឿងផ្លូវភេទគ្រប់ជ្រុងជ្រោយនៅក្នុងសាលារៀន, (២)ផ្សព្វផ្សាយចំណេះដឹងអំពីសុខភាពផ្លូវភេទ

សុខភាពបន្តពូជ និងសិទ្ធិទៅកាន់យុវវ័យក្រៅសាលា (យុវវ័យនៅកន្លែងធ្វើការ និងយុវវ័យក្នុងសហគមន៍ដែលមិនបានសិក្សា), (៣) ពង្រឹងសេវាយុវវ័យមេត្រីភាពនៅគ្រឹស្ថានផ្តល់សេវាសាធារណៈ។

បច្ចុប្បន្ននេះ អង្គការរ៉ាក់ ស្នាក់ការខេត្តបាត់ដំបង កំពុងត្រូវការជ្រើសរើស អ្នកអប់រំសុខភាពយុវវ័យ នៅមណ្ឌលយុវវ័យ ចំនួន០១រូប។

សង្ខេបមុខតំណែង៖ អ្នកអប់រំសុខភាពយុវវ័យ ត្រូវធ្វើការយ៉ាងជិតស្និតជាមួយនឹងមន្រ្តីគម្រោង និងបុគ្គលិកថ្នាក់ខេត្ត ដើម្បីលើកកម្ពស់ការយល់ដឹងស្តីពីសុខភាពផ្លូវភេទ សុខភាពបន្តពូជ និងសិទ្ធិតាមរយៈ៖

• ប្រចាំការនៅមណ្ឌលយុវវ័យ ដើម្បីស្វាគមន៍យុវវ័យដែលមកទស្សនាមណ្ឌលយុវវ័យ ឬធ្វើសកម្មភាពនានា

• កៀរគរយុវវ័យដែលមកទស្សនាមណ្ឌលយុវវ័យ ដើម្បីធ្វើក្រុមពិភាក្សាអំពីសុខភាពផ្លូវភេទ និងសុខភាពបន្តពូជ និងចាក់វីដេអូអប់រំគំនូរជីវចលរ៉ាក់

• ប្រមូលព័ត៌មាន និងរៀបចំរបាយការណ៍នានាអំពីការអប់រំ ឬការធ្វើក្រុមពិភាក្សាជាមួយយុវវ័យជាប្រចាំ

• សហការណ៍ជាមួយបុគ្គលិកគម្រោង ក្នុងការរៀបចំកិច្ចប្រជុំ ការធ្វើយុទ្ធនាការ ព្រឹត្តិការណ៍ ទិវាផ្សេងៗ

• ធ្វើការជិតស្និទ្ធិជាមួយនាយកសាលា អនុវិទ្យាល័យ វិទ្យាល័យ និងសាកលវិទ្យាល័យ និងចូលរួមការប្រជុំផ្សេងៗ

• រៀបចំសៀវភៅ និងមើលការខុសត្រូវនៅក្នុងមណ្ឌលយុវវ័យ

• ធ្វើការងារផ្សេងៗទៀតក្នុងករណីចាំបាច់ ដែលស្នើសុំដោយប្រធានក្រុមការងារ និងធ្វើការជាជំនួយការបច្ចេកទេសដល់ប្រធានក្រុមប្រចាំខេត្តក្នុងការអនុវត្តគម្រោងប្រកបដោយប្រសិទ្ធិភាព។

 តម្រូវការផ្នែកចំណេះដឹង និងបទពិសោធន៍ៈ

• កម្រិតសិក្សា៖ សញ្ញាប័ត្រមធ្យមសិក្សាទុតិយភូមិ ឬបរិញ្ញាប័ត្រ

• បទពិសោធន៍៖ មានបទពិសោធន៍ធ្វើការជាយុវវ័យបង្គោល ឬធ្លាប់ធ្វើការងារស្ម័គ្រចិត្តផ្សេងៗ

• ចំណេះដឹង៖ មានចំណេះដឹង និងធ្លាប់ចូលរួមវគ្គបណ្តុះបណ្តាលផ្នែកសុខភាពផ្លូវភេទ សុខភាពបន្តពូជ

• ជំនាញ៖ ចេះប្រើប្រាស់កុំព្យូទ័រ (MS word, Excel & PowerPoint)

• បុគ្គលិកលក្ខណៈ៖ មានទំនាក់ទំនងល្អ ស្មោះត្រង់ មានឆន្ទៈក្នុងការធ្វើការ ​ធ្វើដំណើរតាមសហគមន៍ និងសហការជាក្រុម

បេក្ខជន-បេក្ខនារីដែលមានចំណាប់អារម្មណ៍ សូមអញ្ជើញផ្ញើប្រវត្ដិរូបសង្ខេប និងពាក្យសុំបម្រើការងារមានបញ្ជាក់ពីមុខដំណែង និងទីតាំងបម្រើការងារដូចប្រកាសខាងលើ នៅក្នុងប្រវត្ដិរូបសង្ខេប និងក្នុងអ៊ីម៉ែល ដោយមានភ្ជាប់មកជាមួយនូវសញ្ញាប័ត្រ មកកាន់ការិយាល័យកណ្តាលរបស់អង្គការរ៉ាក់ ដែលមានអាស័យដ្ឋានផ្ទះលេខ៥ ផ្លូវលេខ៦០០ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ឬតាមរយៈសារអេឡិចត្រូនិក អ៊ីម៉ែល៖ admin@rhac.org.kh ។ ចាប់ផ្តើមទទួលពាក្យចាប់ពីថ្ងៃផ្សាយដំណឹងនេះតទៅ។ បេក្ខជន និងបេក្ខនារី ដែលត្រូវបានជ្រើសរើសនឹងត្រូវបានអញ្ជើញមកធ្វើការសម្ភាសន៍។ សូមទំនាក់ទំនងមកកាន់ទូរសព្ទលេខ៖ ០២៣​ ៨៨២ ០៤៦ ដើម្បីសាកសួរព័ត៌មានលម្អិតអំពីការងារដែលមានប្រកាសជូនខាងលើ។ សូមអរគុណ!

សម្រាប់ការងារផ្សេងៗទៀត សូមចុច លីងខាងក្រោម៖

https://rhac.org.kh/vacancy-announcement

https://rhac.org.kh/admin/career/edit/-99?lang=en