ផ្សព្វផ្សាយតាមប្រព័ន្ធទំនាក់ទំនង និងបណ្តាញសង្គម

ដើម្បីឆ្លើយតបនឹងតម្រូវការសុខភាពផ្លូវភេទ សុខភាពបន្តពូជ និងសិទ្ធិ ទៅតាមនិន្នាការចម្រុះ រ៉ាក់បានពង្រីកសក្តានុពលនៃការទទួលបានចំណេះដឹង ព័ត៌មាននិងសេវាតាមរយៈមធ្យោបាយទំនាក់ទំនងផ្សេងៗ និងការពង្រីកតំបន់គ្របដណ្តប់របស់ខ្លួន(តំបន់ភូមិសាស្ត្រ និងក្រុមប្រជាជន) ដើម្បីធានាថា ប្រជាជនទូទៅ និងក្រុមគោលដៅ ជាពិសេស យុវវ័យ កម្មកររោងចក្រ និងអ្នកមាននិន្នាការភេទចម្រុះ អ្នកធ្វើការនៅសេវាកម្សាន្ត ជនដែលរស់នៅជាមួយពិពិការភាព ឬជំងឺរ៉ាំរ៉ៃ មានទំនាក់ទំនងជាមួយរ៉ាក់ និងប្រាប់ពីតម្រូវការ សុខភាពផ្លូវភេទ សុខភាពបន្តពូជ និងសិទ្ធិរបស់ពួកគេ តាមរយៈដៃគូរ ការទំនាក់ទំនងដោយផ្ទាល់ និងតាមប្រព័ន្ធឌីជីថល។