រ៉ាក់មានអន្តរាគមន៍សំខាន់ៗ ជាច្រើនដូចជា៖ ការអប់រំសុខភាពតាមរថយន្តចល័ត តាមរយៈមិត្តភ័ក្រ ការអប់រំជាក្រុម ការផ្តល់ប្រឹក្សាម្នាក់ទល់ម្នាក់ ការផ្តល់ស្រោមអនាម័យនិងទឹករអិល និងការធ្វើតេស្តឈាមរហ័សរកមេរោគអេដស៍និងស្វាយ នៅតាមហាងសេវាកម្សាន្ត និងកន្លែងប្រមូលផ្តុំរបស់ក្រុមប្រឈមខ្ពស់ គ្រប់ទីកន្លែងជិតឆ្ងាយ (មានទីរូមខេត្ត ស្រុកនិងឃុំ/សង្កាត់ ) ទាំងនៅពេលថ្ងៃនិងពេលយប់។ ការធ្វើតេស្តអេដស៍រហ័ស ជួយដល់ក្រុមប្រឈមទាំងនេះ និងដៃគូរបស់ពួកគាត់ បានដឹងអំពីស្ថានភាពសុខភាពរបស់ពួកគាត់ និងបញ្ជូនទៅទទួលការព្យាបាលបានទាន់ពេល ក្នុងករណីវិជ្ជមាន។ បន្ថែមពីលើសកម្មភាពខាងលើ រ៉ាក់បានប្រើប្រាស់បច្ចេកវិទ្យា ប្រព័ន្ធផ្សព្វផ្សាយសង្គម ក្នុងការពង្រីកការអប់រំ និងទាក់ទាញឬគៀងគរបុគ្គល ឬក្រុមដែលលាក់អត្តសញ្ញាណ អោយមកទទួលការធ្វើតេស្តរកមេរោគអេដស៍ ឬទទួលកញ្ចប់ធ្វើតេស្តអេដស៍ដោយខ្លួនឯង។ ដើម្បីទប់ស្កាត់ការចម្លងមេរោគអេដស៍ រ៉ាក់បានអប់រំលើកទឹកចិត្តក្រុមប្រឈម អោយប្រើប្រាស់ថ្នាំប្រឹពជាមួយស្រោមអនាម័យអោយបានជាប់លាប់។

រ៉ាក់បានអប់រំក្រុមប្រឈម ៣៤.៦៧៣ និងធ្វើតេស្តរកមេរោគអេដស៍និងស្វាយ ១៨.៦៦៧ នាក់ជាមធ្យម ជារៀងរាល់ត្រីមាស ហើយចាប់ពីខែមេសា២០១៨រហូតដល់ខែមិនាឆ្នាំ២០២៣ រ៉ាក់បានរកឃើញអ្នកមានវិជ្ជមានមេរោគអេដស៏ចំនួន១.៥៥៧នាក់ និងបានបញ្ជូនទៅទទួលការព្យាបាលទាន់ពេលវេលា ។ ក្នុងអំឡុងពេលដូចគ្នា រ៉ាក់បានរកឃើញមេរោគស្វាយវិជ្ជមានចំនួន២.២៥០ករណី និង ជំងឺកាមរោគផ្សេងទៀតចំនួន៣.៤៨៣ករណី ហើយបានបញ្ជូនទៅទទួលការព្យាបាលបានទាន់ពេលវេលា ។ សមិទ្ធិផលនិងការខិតខំដែលរ៉ាក់សម្រេចបានខាងលើ ត្រូវបានទទួលការកោតសរសើរពីអជ្ញាធរជាតិប្រយុទ្ធនឹងជំងឺអេដស៍ មជ្ឈមណ្ឌលជាតិប្រយុទ្ធជំងឺអេដស៍ កាមរោគ និងសើស្បែក ក្រសួងសុខាភិបាល អង្គការជាតិ និងអន្តរជាតិជាច្រើន។