សេចក្តីប្រកាសជ្រើសរើសបុគ្គលិក៖ មន្ត្រីគម្រោង និងអ្នកអប់រំសុខភាពសហគមន៍
មន្ត្រីគម្រោងសហគមន៍ ២រូប
អង្គការថែទាំងសុខភាពគ្រួសារកម្ពុជា(រ៉ាក់) បានធ្វើការលើវិស័យសុខភាពស្ត្រី និងសុខភាពបន្តពូជនិងផ្លូវភេទ ចាប់តាំងពីឆ្នាំ ១៩៩៦ មក។ យើងធ្វើការជាមួយក្មេងជំទង់ ស្ត្រីនៅតាមជនបទ កម្មករ/កម្មការិនីរោងចក្រ អ្នកធ្វើការនៅផ្នែកសេវាកម្សាន្ត និងក្រុមងាយរងគ្រោះផ្សេងៗទៀត។ យើងបានអនុវត្តការងាររបស់យើងនៅក្នុងខេត្តចំនួន ១៩ ក្នុងចំណោមខេត្តទាំង ២៥ របស់កម្ពុជា ដោយធ្វើការយ៉ាងជិតស្និទ្ធជាមួយក្រសួងពាក់ព័ន្ធ និងដៃគូអភិវឌ្ឍន៍។ បច្ចុប្បន្ន អង្គការរ៉ាក់ ត្រូវការបុគ្គលិកជនជាតិខ្មែរ ដើម្បីបំពេញតំណែងទំនេរ មន្ត្រីគម្រោងសហគមន៍ ចំនួនពីររូបសម្រាប់គម្រោង "បង្កើនការគ្របដណ្តប់ការប្រើប្រាស់សេវារំលូតដោយឱសថ" ដែលម្នាក់មានមូលដ្ឋាននៅខេត្ត ស្ទឹងត្រែង និងម្នាក់ទៀតនៅខេត្ត រតនគិរី។
សេចក្តីសង្ខេបតួនាទី៖
មន្ត្រីគម្រោងសហគមន៍ នឹងធ្វើការដឹកនាំ រាល់សកម្មភាពគម្រោងនៅសហគមន៍ទាំងអស់ដោយផ្ទាល់ ក៏ដូចជាធ្វើការទំនាក់ទំនងជាមួយភាគីពាក់ព័ន្ធនៅខេត្តទាំងពីរ (ស្ទឹងត្រែង និងរតនគិរី)។ រៀបចំផែនការការងារនិងផែនការថវិការប្រចាំខែ ប្រចាំសប្តាហ៍ ។ អនុវត្តផែនការអោយបានជោគជ័យ។ ផ្តល់ការគាំទ្រនិងត្រួតពិនិត្យ ការងារលើកកម្ពស់ចំណេះដឹងនៅសហគមន៍ប្រចាំថ្ងៃ ដែលធ្វើដោយសមាជិកក្រុមទ្រទ្រង់សុខភាពភូមិ(VHSGs)។រៀបចំរបាយការណ៍ចំណាយប្រចាំសប្តាហ៍ ប្រចាំខែ និងសរសេររបាយការណ៍វឌ្ឍនភាពជូនអ្នកគ្រប់គ្រងផ្ទាល់ និងអ្នកគ្រប់គ្រងហិរញ្ញវត្ថុ។
លក្ខណៈសម្បត្តិ និងបទពិសោធន៍ដែលត្រូវការចាំបាច់៖
មានសញ្ញាបត្រមហាវិទ្យាល័យ ផ្នែកវិទ្យាសាស្ត្រសង្គម សុខភាពសាធារណៈ ឬ សញ្ញាបត្រប្រហាក់ប្រហែល។
មានបទពិសោធន៍យ៉ាងតិច ពីរ (០២) ឆ្នាំ ក្នុងការអនុវត្តកម្មវិធីសុខភាពសហគមន៍។
មានសមត្ថភាពក្នុងការបង្កើតនិងរក្សាទំនាក់ទំនងការងារប្រកបដោយប្រសិទ្ធភាពជាមួយនឹង អាជ្ញាធរមូលដ្ឋាន និងមន្រ្តីមន្ទីរពាក់ព័ន្ធ។
មានសមត្ថភាពក្នុងការទំនាក់ទំនងប្រកបដោយប្រសិទ្ធភាព ទាំងការនិយាយ និងការសរសេរ ។
មានជំនាញកុំព្យូទ័រល្អ៖កម្មវិធី Word (អាចវាយអក្សរខ្មែរនិងអង់គ្លេស) Excel, PowerPoint ជាដើម។
អ្នកអប់រំសុខភាពសហគមន៍ ៤រូប
អង្គការថែទាំងសុខភាពគ្រួសារកម្ពុជា(រ៉ាក់) បានធ្វើការលើវិស័យសុខភាពស្ត្រី និងសុខភាពបន្តពូជនិងផ្លូវភេទ ចាប់តាំងពីឆ្នាំ ១៩៩៦ មក។ យើងធ្វើការជាមួយក្មេងជំទង់ ស្ត្រីនៅតាមជនបទកម្មករ/កម្មការិនីរោងចក្រ អ្នកធ្វើការនៅផ្នែកសេវាកម្សាន្ត និងក្រុមងាយរងគ្រោះផ្សេងៗទៀត។ យើងបានអនុវត្តការងាររបស់យើងនៅក្នុងខេត្តចំនួន ១៩ ក្នុងចំណោមខេត្តទាំង ២៥ របស់កម្ពុជា ដោយធ្វើការយ៉ាងជិតស្និទ្ធជាមួយក្រសួងពាក់ព័ន្ធ និងដៃគូអភិវឌ្ឍន៍។ បច្ចុប្បន្ន អង្គការរ៉ាក់ ត្រូវការបុគ្គលិកជនជាតិខ្មែរ ដើម្បីបំពេញតំណែង អ្នកអប់រំសុខភាពសហគមន៍ ៤រូប សម្រាប់ គម្រោង "បង្កើនការគ្របដណ្តប់ការប្រើប្រាស់សេវារំលូតដោយឱសថ" ដែលមានមូលដ្ឋាននៅខេត្ត ស្ទឹងត្រែងពីររូប និងខេត្ត រតនគិរីពីររូប។
សេចក្តីសង្ខេបតួនាទី៖
អ្នកអប់រំសុខភាពសហគមន៍ ជួយដល់មន្ត្រីគម្រោង ក្នុងការផ្តល់ការគាំទ្រ និងត្រួតពិនិត្យការងារលើកកម្ពស់ចំណេះដឹងនៅសហគមន៍ប្រចាំថ្ងៃ របស់សមាជិកក្រុមទ្រទ្រង់សុខភាពភូមិ(VHSGs) ផ្ទៀងផ្ទាត់ និងប្រមូលកំណត់ត្រាអប់រំ និងរបាយការណ៍របស់គាត់ ព្រមទាំងជួយរៀបចំផែនការការងារប្រចាំសប្តាហ៍ ប្រចាំខែ និងផែនការថវិកាសម្រាប់គម្រោង។
លក្ខណៈសម្បត្តិ និងបទពិសោធន៍ដែលត្រូវការ៖
មានសញ្ញាបត្រ មហាវិទ្យាល័យ ផ្នែកវិទ្យាសាស្ត្រសង្គម ឬ ជំនាញប្រហាក់ប្រហែល។
មានបទពិសោធន៍យ៉ាងតិច មួយ (០១) ឆ្នាំ ក្នុងការអនុវត្តកម្មវិធីសុខភាពសហគមន៍។
មានសមត្ថភាពក្នុងការបង្កើត និងរក្សាទំនាក់ទំនងការងារប្រកបដោយប្រសិទ្ធភាពជាមួយអាជ្ញាធរថ្នាក់ខេត្ត ថ្នាក់ស្រុក និងឃុំ។
ស្គាល់សហគមន៍ ឬក៏មានចំណង់ចំណូលចិត្តក្នុងការធ្វើដំណើរតាមសហគមន៏។
មានជំនាញប្រាស្រ័យទាក់ទងអន្តរបុគ្គល (Interpersonal skills) ក្នុងកម្រិត ល្អបំផុត និងសមត្ថភាពធ្វើការជាក្រុម ក៏ជាតម្រូវការចាំបាច់ ផងដែរ។
មានជំនាញកុំព្យូទ័រ៖ កម្មវិធីWord (អាចវាយអក្សរខ្មែរនិងអង់គ្លេស) Excel, PowerPoint ជាដើម។
បេក្ខជន/បេក្ខនារីដែលមានចំណាប់អារម្មណ៍ សូមផ្ញើរប្រវត្តិរូបសង្ខេប (CV)និងលិខិតបង្ហាញអំពីចំណាប់អារម្មណ៍ (Cover Letter) ដោយបញ្ជាក់ពីតំណែងនិងទីតាំងខេត្ត មកកាន់ការិយាល័យអង្គការរ៉ាក់ តាមរយៈអាសយដ្ឋាន៖ ផ្ទះលេខ ១៣៨ ផ្លូវ ២០០៩ សង្កាត់ទឹកថ្លា ខណ្ឌសែនសុខ រាជធានីភ្នំពេញ ឬតាមរយៈអ៊ីមែល admin@rhac.org.kh។
សម្រាប់ព័ត៌មានបន្ថែមអំពីអង្គការរ៉ាក់ សូមចូលទៅកាន់គេហទំព័រ www.rhac.org.kh និង ទំព័របណ្តាញសង្គមហ្វេសប៊ុករបស់អង្គការរ៉ាក់ (RHAC Social Page)។
កាលបរិច្ឆេទឈប់ទទួលពាក្យ គឺនៅថ្ងៃទី ១០ ខែ វិច្ឆិកា ឆ្នាំ ២០២៥។
របៀបដាក់ពាក្យ
សូមផ្ញើ CV និង Cover Letter មកកាន់អាសយដ្ឋានអ៊ីមែលរបស់យើង៖ admin@rhac.org.kh ឬចុចលើប៊ូតុងអនុវត្តខាងក្រោម។
សម្រាប់ព័ត៌មានបន្ថែមសូមចូលមើលទំព័រហ្វេសប៊ុករបស់យើងឬទាក់ទងមកយើងខ្ញុំតាមរយៈលេខទូរស័ព្ទ៖ 023 882 046
មតិយោបល់