ខ្សែនេះគឺជាខ្សែស្បែកដែលភ្ជាប់ទៅនឹងផ្នែកខាងក្រោមនៃលិង្គ និងនៅក្នុងស្បែកគ្របក្បាលលិង្គ។ វាមិនលាតសន្ធឹងដូចស្បែកគ្របក្បាលលិង្គដែលនៅសល់ទេ ហើយជួនកាលវាខ្លីបន្តិច ហើយអាចដាច់រហែកបាន។ វាមិនមានគ្រោះថ្នាក់នៅពេលដែលខ្សែហ្រ្វាំងនេះដាច់រហែកនោះទេ ហើយជាធម្មតាវាជាសះស្បើយដោយខ្លួនឯង។ វាក៏មិនបញ្ជាក់ថាអ្នកមិនអាចរួមភេទ ឬក៏មិនអាចឡើងរឹងបាននៅថ្ងៃខាងមុខនោះដែរ។ខ្សែហ្វ្រាំងខ្លីអាចបណ្តាលឱ្យលិង្គកោងចុះក្រោមបន្តិច។ អ្នកអាចសម្គាល់ឃើញរឿងនេះនៅពេលដែលលិង្គរបស់អ្នកឡើងរឹង ព្រោះវាអាចមានអារម្មណ៍តានតឹង ឬឈឺចាប់បន្តិច។

ស្នាមប្រេះ និងការព្យាបាល

មនុស្សភាគច្រើនមិនមានបញ្ហាអ្វីជាមួយនឹងការមានខ្សែហ្រ្វាំងខ្លីនោះទេ ប៉ុន្តែពេលខ្លះអាចមានស្នាមប្រេះតូចមួយ ហើយក្នុងករណីកម្រខ្លះ ខ្សែនេះអាចដាច់ទាំងស្រុងនៅពេលអ្នកមានការឡើងរឹងរបស់លិង្គ។

ដោយសារវាកើតឡើងនៅពេលដែលអ្នកមានការឡើងរឹងរបស់លិង្គ ហើយលិង្គពោរពេញដោយឈាម ជាធម្មតាវាចាប់ផ្តើមហូរឈាម ប៉ុន្តែវាគ្មានគ្រោះថ្នាក់ទេ។ វានឹងឈប់ចេញឈាមយ៉ាងលឿន ព្រោះលិង្គបានទន់មកវិញ ហើយឈាមនៅក្នុងលិង្គថយចុះ។

តើត្រូវធ្វើអ្វី ប្រសិនបើអ្នកមានស្នាមប្រេះ

អ្នកអាចលាងសម្អាតលិង្គដោយទឹកក្តៅឧណ្ហៗ ប្រសិនបើអ្នកមានស្នាមប្រេះនៅខ្សែហ្រ្វាំង ឬប្រសិនបើវាដាច់។ វាអាចឈឺចាប់បន្តិច ឬរមាស់បន្ទាប់ពីនោះ ប៉ុន្តែវាមិនមានគ្រោះថ្នាក់ទេ។ ខ្សែហ្វ្រាំងនេះ នឹងជាសះស្បើយក្នុងរយៈពេលមួយ ឬពីរ ទៅបីសប្តាហ៍ ហើយវាជារឿងធម្មតាទេដែលវាជាសះស្បើយយឺតជាងរបួសផ្សេងទៀត។

ព្យាយាមកាត់បន្ថយការកកិតនៅបរិវេណខ្សែហ្រ្វាំង នៅពេលអ្នកសម្រេចកាមដោយខ្លួនឯង ឬរួមភេទ ទើបធ្វើឱ្យរបួសជាសះស្បើយលឿនជាងមុន។ អ្នកអាចកាត់បន្ថយការកកិតដោយប្រើស្រោមអនាម័យ និងកុំទាញស្បែកគ្របក្បាលលិង្គទៅក្រោយមុនពេលពាក់ស្រោមអនាម័យ។ ការប្រើប្រាស់ស្រោមអនាម័យពេលរួមភេទ អាចបង្ការការឆ្លងមេរោគបានយ៉ាងមានប្រសិទ្ធិភាព។ខ្សែហ្រ្វាំងនេះ ជាធម្មតានឹងវែងជាងមុនបន្តិចដោយស្វ័យប្រវត្តិ នៅពេលដែលវាជាសះស្បើយ ហើយអ្នកនឹងមានអារម្មណ៍ថាមិនតឹងដូចមុននោះទេ។ វាអាចប្រេះម្តងហើយម្តងទៀត ប្រសិនបើខ្សែនេះខ្លីខ្លាំង។ ទោះជាយ៉ាងណា អ្នកអាចប្រឹក្សាជាមួយអ្នកជំនាញ និងទទួលការវះកាត់តូចមួយ ដើម្បីដោះស្រាយបញ្ហាខ្សែហ្រាំងខ្លីខ្លាំងនេះ។ ការវះកាត់គឺរហ័ស ហើយអ្នកជំនាញនឹងថ្នាំស្ពឹកដើម្បីគ្រប់គ្រងការឈឺចាប់។

ការស្វែងរកជំនួយ

សូមធ្វើការទាក់ទងទៅមន្ទីរពេទ្យ មណ្ឌលសុខភាព គ្លីនិករ៉ាក់ ដើម្បីទទួលបានជំនួយក្នុងការសម្រេចចិត្តថា តើអ្នកគួរវះកាត់ខ្សែហ្រ្វាំងដែរឬទេ? អ្នកក៏អាចទៅទីនោះបានដែរ ប្រសិនបើអ្នកមានការឈឺចាប់នៅពេលអ្នករួមភេទ ឧទាហរណ៍ នៅពេលអ្នករួមភេទ ឬសម្រេចកាមដោយខ្លួនឯង។ នៅទីនោះ អ្នកក៏អាចទទួលបានជំនួយក្នុងការពិនិត្យសុខភាព បន្ទាប់ពីអ្នកមានស្នាមប្រេះនៅលើខ្សែ ហើយមានការព្រួយបារម្ភ ឬប្រសិនបើអ្នកមានបញ្ហា ទោះបីជាវាមានរយៈពេលពីរបីសប្តាហ៍ហើយចាប់តាំងពីអ្នកមានស្នាមប្រេះនៅលើខ្សែក៏ដោយ។