មុខដំណែង៖ អ្នកអប់រំសុខភាពយុវវ័យ(Youth Health Educator)

ទីកន្លែង៖ ខេត្តកំពត

អង្គការថែទាំសុខភាពគ្រួសារកម្ពុជា រ៉ាក់ ជាអង្គការឈានមុខគេធ្វើការលើសុខភាពបន្តពូជ សុខភាពផ្លូវភេទ ហើយរ៉ាក់កំពុងអនុវត្តសកម្មភាពក្នុង១៩ខេត្ត ក្រុងនៃព្រះរាជាណាចក្រកម្ពុជា។ បច្ចុប្បន្នរ៉ាក់កំពុងស្វែងរកបេក្ខជនជាជនជាតិខ្មែរមានសមត្ថភាព ដើម្បីបំពេញការងារអ្នកអប់រំសុខភាពយុវវ័យ(Youth Health Educator) ចំនួន0១រូប ដែលមានមូលដ្ឋាននៅក្នុងខេត្តកំពត ដើម្បីអនុវត្តការលើកកម្ពស់សុខភាព និងការលើកកម្ពស់សិទ្ធិសម្រាប់ក្មេងស្រីវ័យជំទង់ តាមរយៈគម្រោងធ្វើឱ្យប្រសើរឡើងនូវការគ្រប់គ្រងអនាម័យពេលមករដូវ ធានាបាននូវការផ្គត់ផ្គង់សម្ភារៈពេលមករដូវ ព្រមទាំងផ្តល់ឱ្យក្មេងស្រីនូវអារម្មណ៍សុវត្ថិភាពនិងគ្មានការរើសអើងកំឡុងពេលមករដូវ (Health Enhancement and Rights Upholding for Adolescent Girls through Improved Menstrual Hygiene Management)។

តួនាទីនិងទំនួលខុសត្រូវចម្បង៖

• ធ្វើការជាមួយ មន្ត្រីគម្រោង បុគ្គលិក អ្នកពាក់ព័ន្ធ លោកគ្រូ អ្នកគ្រូ ក្នុងរៀបចំផែនការអប់រំយុវ័យតាមសាលាទាំងបួន  អំពីសុខភាពផ្លូវភេទ សុខភាពបន្តពូជ និងសិទ្ធិ ជាពិសេសការគ្រប់គ្រងអនាម័យពេលមករដូវរបស់ក្មេងស្រី

• រៀបចំសម្ភារៈអប់រំនានា និងដំណើរការប្រជុំអប់រំដល់សិស្សានុសិស្សនៅសាលារៀន

• ជួយគាំទ្រលោកគ្រូ អ្នកគ្រូសម្រាប់ដំណើរនៃការអប់រំនៅតាមសាលា និងប្រមូលរបាយការណ៍

• សហការជាមួយមន្ត្រីគម្រោង បុគ្គលិក អ្នកពាក់ព័ន្ធ និងដឹកនាំយុវវ័យបង្គោល ក្នុងការរៀបចំការប្រជុំ សិក្ខាសាលា​ ព្រឹត្តិការណ៍ផ្តួចផ្តើមរបស់យុវវ័យ ទិវា និងយុទ្ធនាការនានា

• ជួយក្នុងការគៀងគរការចូលរួមរបស់យុវវ័យ និងប្រជាជននៅតាមសហគមន៍ ឱ្យចូលរួមយ៉ាងសកម្មក្នុងព្រឹត្តិការណ៍នានាទាក់ទងទៅនឹងសុខភាពផ្លូវភេទ សុខភាពបន្តពូជ និងសិទ្ធិ

• ចូលរួមប្រជុំជាមួយអាជ្ញាធរមូលដ្ឋាន និងភាគីពាក់ព័ន្ធ

• រក្សាទំនាក់ទំនងល្អជាមួយបុគ្គលិកគម្រោងអ្នកពាក់ព័ន្ធ និងដៃគូអង្គការក្រៅរដ្ឋាភិបាលនៅថ្នាក់ខេត្ត ដើម្បីលើកកម្ពស់កម្មវិធីរបស់អង្គការរ៉ាក់

• ចូលរួមក្នុងការផលិតសម្ភារៈអប់រំ បង្កើតសារអប់រំសម្រាប់ការងារតស៊ូមតិនៅក្នុងព្រឹត្តិការណ៍នានា

• បំពេញកិច្ចការងារផ្សេងៗទៀតទៅតាមការចាត់តាំងរបស់អ្នកគ្រប់គ្រង

លក្ខណៈសម្បតិ្ត៖

• ការសិក្សាអប់រំ៖ មានសញ្ញាបត្រមធ្យមសិក្សាទុតិយភូមិ ឬបរិញ្ញាបត្រផ្សេងៗ

• បទពិសោធន៍៖ មានបទពិសោធន៍ធ្វើការងារជាមួយយុវវ័យបង្គោល ឬធ្លាប់ធ្វើការងារស្ម័គ្រចិត្តផ្សេងៗ ឬធ្វើការអប់រំសុខភាពនៅសហគមន៍

• ចំណេះដឹង៖ មានចំណេះដឹង និងធ្លាប់បានចូលរួមវគ្គបណ្តុះបណ្តាលផ្នែកសុខភាពផ្លូវភេទ សុខភាពបន្តពូជ និងសិទ្ធិ

• ជំនាញ៖ អាចប្រើប្រាស់កុំព្យូទ័រ (Word & Excel)

• បុគ្គលិកលក្ខណៈ៖ មានទំនាក់ទំនងល្អ ស្មោះត្រង់ មានឆន្ទៈក្នុងការធ្វើការ មានទំនួលខុសត្រូវខ្ពស់ និងចេះធ្វើការងារជាក្រុម

• ការធ្វើដំណើរ ៖ អាចធ្វើដំណើរពីស្រុក អង្គរជ័យ ឈូក និងកំពង់ត្រាច នៃខេត្តកំពត ដើម្បីចុះអប់រំសុខភាពផ្លូវភេទ និងសុខភាពបន្តពូជនៅសហគមន៍។​

របៀបដាក់ពាក្យសុំបម្រើការងារ៖

បេក្ខជនដែលមានចំណាប់អារម្មណ៍សូមមកដាក់ពាក្យនៅការិយាល័យ អង្គការថែទាំសុខភាពគ្រួសារកម្ពុជា ដែលមានអាស័យដ្ឋាន ផ្ទះលេខ០៥ ផ្លូវ៦០០ សង្កាត់បឹងកក់២ ខណ្ឌទួលគោក រាជធានីភ្នំពេញ ឬតាមរយៈអ៊ីម៉ែល៖ admin@rhac.org.kh ឬ rhachq.chp.pro@gmail.com។ សម្រាប់ព័ត៌មានបន្ថែមសូមទាក់ទងតាមលេខទូរសព្ទ័៖ ០២៣ ៨៨២ ០៤៦។  

• ចាប់ផ្តើមទទួលពាក្យពី៖ ថ្ងៃទី១៦ ខែតុលា ឆ្នាំ២០២៤

• ឈប់ទទួលពាក្យនៅ៖    ថ្ងៃទី២៣ ខែតុលា ឆ្នាំ២០២៤ វេលាម៉ោង៥ល្ងាច។