ជំងឺមហារីកសុដន់នៅកម្ពុជា
ព័ត៌មាន
206
វេជ្ជបណ្ឌិត ថុនា បានឱ្យដឹងថា ចំពោះជំងឺមហារីកសុដន់អាចកើតឡើងចំពោះភាគច្រើនជាស្រ្តី ស្រ្តីដែលគាត់មានគីឡូលើសខ្លាំង ស្រ្តីដែលគាត់មិនសូវនិយមលេងកីឡា ស្រ្តីដែលគាត់ប្រើប្រាស់គ្រឿងស្រវឹងច្រើន ស្រ្តីដែលគាត់មានរដូវនៅមុន១២ឆ្នាំ និងស្រ្តីដែលគាត់មិនធ្លាប់មានកូន ឬក៏ស្រ្តីដែលគាត់មានកូនច្រើន ឬក៏ស្រ្តីដែលគាត់មានកូននៅវ័យក្រោយ៣៥ឆ្នាំ ឬក៏ស្រ្តីដែលគាត់ធ្លាប់មានម្ដាយ ឬបងស្រីដែលមានជំងឺមហារីកសុដន់ពីមុន ស្រ្តីដែលគាត់ធ្លាប់ប្រើប្រាស់ថ្នាំព្យាបាលអរម៉ូនច្រើនកំឡុងពេលអស់រដូវ និង៥ទៅ១០% គឺជាកត្តាតំណពូជ។
វេជ្ជបណ្ឌិតបានបន្តថា ជាទូទៅយើងសិក្សាឃើញថាស្រ្តីដែលគាត់មានអាយុធំជាង៥០ឆ្នាំ គឺប្រឈមមុខនឹងមហារីកសុដន់ច្រើន។ ចំពោះបុរសក៏អាចកើតជំងឺមហារីកសុដន់ ប៉ុន្តែវាជាកត្តាមួយដ៏កម្រដែលក្នុងជំងឺមហារីកសុដន់ ១០០នាក់អាចនឹងមានត្រឹមតែម្នាក់ដែលជាទូទៅគេសង្កេតឃើញថាមាននៅក្នុងវ័យចន្លោះពី ៦០ ទៅ៧០ឆ្នាំ។
វេជ្ជបណ្ឌិតបានបន្តទៀតថា ចំពោះមហារីកសុដន់ គឺមានរោគសញ្ញាប្រែប្រួលទៅតាមដំណាក់កាលនៃមហារីកសុដន់ ដែលសំណាក់កាលដំបូងនៃមហារីកសឹងតែមិនមានរោគសញ្ញាធ្វើឱ្យយើងកត់សម្គាល់ ហើយដំណាក់កាលបន្ទាប់អាចមានដូចជា ដុំនៅបរិវេណសុដន់ ស្នាមកន្ទួលនៅបរិវេណសុដន់ មានហូរទឹកថ្លាៗចេញពីក្បាលសុដន់ មានហើមកូនកណ្ដុរ មានការខូចទ្រង់ទ្រាយនៃសុដន់ មានការឈឺចាប់ត្រង់បរិវេណឆ្អឹង និងមានអាការៈហត់ពិបាកដកដង្ហើម។
ចំពោះការស្រាវជ្រាវរកមើលជំងឺមហារីកសុដន់ គឺយើងអាចធ្វើបានតាមរយៈការថតឆ្លុះសុដន់ និងការច្រិបយកសាច់ហ្នឹងទៅពិនិត្យមើល។ ចំពោះការបង្ការជំងឺមហារីកសុដន់ គឺយើងអាចកាត់បន្ថយកត្តាប្រឈមមុខដែលមានដូចជា ស្រ្តីគួរតែថែរក្សាគីឡូរបស់គាត់ឱ្យមានតុល្យភាពមានន័យថាមិនឱ្យលើសគីឡូខ្លាំងគាត់គួរតែកាត់បន្ថយការប្រើប្រាស់គ្រឿងស្រវឹងគាត់អាចធ្វើការបំបៅដោះកូនដោយទឹកដោះសារកាត់បន្ថយច្រើនចំពោះជំងឺមហារីក និងស្រ្តីគាត់គួរអាចកាត់បន្ថយការប្រើប្រាស់ថ្នាំព្យាបាលដោយអរម៉ូនដោយមិនមានការប្រឹក្សាត្រឹមត្រូវ។
វេជ្ជបណ្ឌិតបានបញ្ជាក់ថា ចំពោះការព្យាបាលជំងឺមហារីកសុដន់ គឺយើងមាន៥យ៉ាងដែលក្នុងនោះរួមមាន (១)ការព្យាបាលដោយការវះកាត់ (២)ការព្យាបាលកាំរស្មី (២)ការព្យាបាលដោយសារធាតុគីមី ការព្យាបាលដោយឱសថអរម៉ូន និង(៣)ចុងក្រោយការព្យាបាលដោយឱសថប្រឆាំងនឹងជំងឺមហារីក។ ជាចុងក្រោយនាងខ្ញុំសុំផ្ដាំផ្ញើទៅដល់មិត្តៗនារីទាំងអស់ គាត់គាប់បីគួរតែ ពិនិត្យសុខភាព
រោគស្រ្តីឱ្យបានយ៉ាងហោចណាស់១ឆ្នាំម្ដង ដើម្បីកុំឱ្យគាត់វិវត្តទៅធ្ងន់ធ្ងរហើយ ទើបគាត់ស្ដាយក្រោយ៕មតិយោបល់