អាហារដ៏ល្អបំផុតដែលទទួលទាន មុនពេលរួមភេទ
រាល់កង្វល់អំពីសុខភាពបុរស ស្ត្រី សូមទំនាក់ទំនងទៅកាន់ភ្នាក់ងាររបស់រ៉ាក់តាមទូរស័ព្ទលេខ ០១០ ៨១២៨១២ ឬ ០៨៩ ៣៣៣ ៩៩០ ឬ ០៨៨ ៧១០៧ ១០៧ ឬឆាតទៅបណ្តាញសង្គមហ្វេសប៊ុករ៉ាក់ ដោយឥតគិតថ្លៃ។
អ្នកអាចមានចំងល់ចំពោះផលប្រយោជន៍នៃអាហារប្រចាំថ្ងៃ ថាតើវាជួយដល់សុខភាពរាងកាយរបស់យើងយ៉ាងដូចម្តេចខ្លះ? មានមតិយោបល់ជាច្រើនដូចគ្នា ដែលប្រាប់អ្នកថា ការទទួលអាហារប្រភេទ នេះ ឬប្រភេទនោះ នឹងជួយជំរុញដល់អារម្មណ៍ផ្លូវភេទ ជាដើម។ តែអ្នកបានប្រាកដចិត្តដោយរបៀបណាថា ព័ត៌មានដែលអ្នកទទួលបាន គឺត្រឹមត្រូវមែននោះ?
អត្ថបទខាងក្រោមនឹងចែករំលែកអំពីហេតុផលថាតើហេតុអ្វីបានជាអាហារទាំង១២ប្រភេទនេះ ជាអាហារដ៏ល្អបំផុតសម្រាប់អ្នកក្នុងការទទួលទាន មុនពេលអ្នកមានសម្ព័ន្ធភេទ ស្នេហាជាមួយដៃគូ?
១. អយស្ទ័រ
អយស្ទ័រ មានផ្ទុកទៅដោយសារធាតុស័ង្កសី ដែលជួយឱ្យរាងកាយរបស់អ្នកបង្កើតអ័រម៉ូនតេស្តូស្តេរ៉ូន។ នោះជាអ័រម៉ូនដែលដើរតួនាទីយ៉ាងធំក្នុងអារម្មណ៍ និងចំណង់ផ្លូវភេទរបស់អ្នក។ ស័ង្កសីក៏អាចជួយបុរសបង្កើតមេជីវិតឈ្មោលបានកាន់តែច្រើនផងដែរ។ វាក៏អាចជួយមេជីវិតឈ្មោលទាំងនោះធ្វើចលនាបានប្រសើរជាងមុន។
តើអ្នកមិនមែនជាអ្នកចូលចិត្តហូបអយស្ទ័រ ឬប្រភេទខ្យង មែនទេ? អ្នកក៏អាចទទួលទានអាហារផ្សេងទៀតដែលមានជាតិស័ង្កសីខ្ពស់ដូចគ្នាដែរ ដូចជាសាច់គោ សាច់ជ្រូក គ្រាប់ធញ្ញជាតិ គ្រាប់ល្ពៅ គ្រាប់ស្វាយចន្ទី និងទឹកដោះគោជូរ។
២. ផ្លែទទឹម
ពេញមួយប្រវត្តិសាស្រ្ត ផ្លែឈើនេះត្រូវបានគេស្គាល់ថាជានិមិត្តសញ្ញានៃការមានកូន និងជាថ្នាំបង្កើនអារម្មណ៍នៃការរួមភេទ។ ទោះជាយ៉ាងណា ការយល់ឃើញនេះ គឺមានការពិតខ្លះ តែជារឿងដែលនិទានតគ្នាខ្លះ។ អ្នកជំនាញបាននិយាយថា ការផឹកទឹកផ្លែទទឹមអាចជួយបង្កើនអារម្មណ៍របស់អ្នក ធ្វើឱ្យប្រសើរឡើងនូវលំហូរឈាមរបស់អ្នក និងបង្កើនកម្រិតអ័រម៉ូន តេស្តូស្តេរ៉ូន(អរម៉ូនភេទបុរស)។ ទាំងអស់នេះហើយដែលអាចបង្កើនកម្ដៅនៅលើគ្រែគេងរបស់អ្នក។
៣. សូកូឡា
វាគ្មានអ្វីចម្លែកទេដែលសូកូឡា និងស្នេហាដើរទន្ទឹមគ្នា។ ការព្យាបាលដ៏ផ្អែមនេះត្រូវបានផ្សារភ្ជាប់ជាមួយនឹងការបញ្ចេញសារធាតុ Serotonin ដែលជាប្រភេទអ័រម៉ូនលើកទឹកចិត្តដល់អារម្មណ៍នៃសុភមង្គល និងសុខុមាលភាព។ ការជំរុញអារម្មណ៍ដែលសូកូឡានាំមកអាចបង្កើនចំណង់ផ្លូវភេទរបស់អ្នកផងដែរ។ អារម្មណ៍នៃ សុភមង្គលនេះ ក៏មានសារធាតុ Phenylethylamine ជាច្រើនផងដែរ ដែលជាសារធាតុគីមីក្នុងខួរក្បាលដែលទាក់ទងនឹងតណ្ហា និងសេចក្ដីស្រឡាញ់។
៤. ស្ពៃខ្មៅ
ជាធម្មតារូបរាងនៃបន្លែនេះមិនត្រូវបានគេគិតថាជាបន្លែដែលមានភាពសិចស៊ីនោះទេ។ ប៉ុន្តែវាអាចជួយជំរុញចំណង់ផ្លូវភេទរបស់អ្នកឡើងតាមវិធីច្រើនជាងមួយ។ ស្លឹកបៃតងនេះសម្បូរទៅដោយម៉ាញេស្យូម ដែលជាសារធាតុរ៉ែដែលអាចបង្កើនអ័រម៉ូនតេស្តូស្តេរ៉ូនរបស់អ្នក។ វាក៏មានជាតិដែកផងដែរ ដែលអាចជួយដល់ចំណង់ សម្រើប ដល់ចំណុចកំពូល និងការពេញចិត្តខាងផ្លូវភេទ ជាពិសេសចំពោះស្ត្រី។
៥. ផ្លែឪឡឹក
ផ្លែឈើនេះមានផ្ទុកអាស៊ីតអាមីណូដ៏ច្រើនដែលហៅថាស៊ីត្រូលីន (citrulline)។ រាងកាយរបស់អ្នកប្រែសារធាតុនេះ ទៅជា សារធាតុអាហ្គានីន (arginine) ដែលជាប្រភេទអាស៊ីតអាមីណូមួយទៀតដែលជួយសម្រួលសរសៃឈាមរបស់អ្នក។ វាជួយសម្រួល និងធ្វើឱ្យឈាមបូមចូលពេញក្នុងសរីរាង្គភេទរបស់អ្នក ទៅតាមរបៀបដូចគ្នា ដែលគេប្រើប្រាស់ថ្នាំ Viagra ធ្វើការព្យាបាលការងាប់នៃលិង្គដែរ។
៦. ផ្លែបឺរ
ផ្លែឈើពណ៌បៃតងមួយនេះផ្ទុកទៅដោយជាតិខ្លាញ់ និងជាតិសរសៃដែលផ្តល់ថាមពលដល់បេះដូងដែលអាចផ្តល់ថាមពលយូរអង្វែងក្នុងបន្ទប់គេង។ ផ្លែបឺរក៏មានវីតាមីនប៊ី ៦ (B6) ដែលអ្នកជំនាញនិយាយថាអាចដើរតួជាផ្នែកមួយដើម្បីបន្ធូរបន្ថយរោគសញ្ញា មុនពេលមករដូវ (PMS) ដូចជាអស់កម្លាំង ហើមពោះ និងតឹងណែន។ ទាំងអស់នេះអាចជួយធ្វើឱ្យស្ត្រីកាន់តែមានភាពងាយស្រួលក្នុងការចូលបង្កើនមនោសញ្ចេតនា។
៧. ផ្លែស្ត្របឺរី
មិនថាគេជ្រលក់ក្នុងសូកូឡា ឬលាបជាមួយក្រែម ស្ត្របឺរី គឺជាចំណង់ចំណូលចិត្តដ៏រ៉ូមែនទិក។ អាហារនេះសម្បូរទៅដោយវីតាមីនស៊ី (Vitamin C) ដែលអាចជួយបង្កើនចំណង់ផ្លូវភេទរបស់អ្នក ជំរុញលំហូរឈាម និងបន្ធូរភាពតានតឹង និងការថប់បារម្ភ។ វាក៏ជួយឱ្យរាងកាយរបស់អ្នកបញ្ចេញនូវអ្វីដែលហៅថា អុកស៊ីតូស៊ីន កាន់តែច្រើនឡើង ដែលត្រូវបានគេស្គាល់ថាជាអរម៉ូន "ស្នេហា" ដោយសារតែវាមានទំនាក់ទំនងទៅនឹងការសម្រើបផ្លូវភេទ និងការឈានដល់ចំណុចកំពូល។
៨. កាហ្វេ ឬតែ
ភេសជ្ជៈទាំងនេះផ្តល់កម្រិតជាតិកាហ្វេអ៊ីន ដែលជួយដល់ប្រព័ន្ធសរសៃប្រសាទរបស់អ្នក។ នេះអាចជួយបុរសមានសកម្មភាពនៅក្នុងបន្ទប់គេង។ ជាតិកាហ្វេអ៊ីនអាចបន្ថយឱកាសនៃការងាប់លិង្គផងដែរ។ កាហ្វេ និងតែក៏ផ្តល់ឱ្យអ្នកនូវសារធាតុប្រឆាំងអុកស៊ីតកម្មដែលអាចជួយឱ្យអ្នកមានសុខភាពល្អ។ តែកុំព្យាយាមហូបវានៅពេលជិតដល់ម៉ោងចូលគេង ព្រោះវាអាចរំខានដំណេករបស់អ្នក។
៩. គ្រាប់ម៉ាកា
គ្រាប់ម៉ាកា មានដើមកំណើតនៅភ្នំនៅប្រទេ ប៉េរូ។ ដើមម៉ាកាត្រូវបានគេប្រើអស់ជាច្រើនសតវត្សមកហើយ ដើម្បីបង្កើន ភាពមានកូន (fertility)។ សព្វថ្ងៃនេះ ការស្រាវជ្រាវបានបង្ហាញថា ឫសរបស់វាអាចបង្កើនចំណង់ផ្លូវភេទ។ សារធាតុភីតូនូទ្រៀន (Phytonutrients) នៅក្នុងរុក្ខជាតិអាចបង្កើនចំនួនមេជីវិតឈ្មោល និងមុខងារផ្លូវភេទផងដែរ។ ឫសរបស់ដើមម៉ាកា ជារឿយៗត្រូវបានលក់ជាម្សៅ វាមានរសជាតិហិល អ្នកអាចបន្ថែមវាទៅក្នុងទឹកដោះគោជូរ ទឹកក្រឡុក សាឡាត់ ស៊ុប ឬនំដុត។
១០. ត្រីដែលមានខ្លាញ់
ត្រីដូចជាត្រីសាម៉ុង ត្រីសាឌីន និងត្រីម៉ាកែល មានអូមេហ្គា៣ ច្រើន។ ខ្លាញ់ដែលមានសុខភាពល្អទាំងនេះជួយបន្ថយការរលាកនៅក្នុងខ្លួនរបស់អ្នក។ វាអាចជួយដល់សុខភាពផ្លូវភេទរបស់អ្នកផងដែរ។ ប្រសិនបើអ្នកមិនមែនជាអ្នកចូលចិត្តអាហារសមុទ្រទេ អ្នកក៏អាចទទួលបានអូមេហ្គា៣ នៅក្នុងគ្រាប់ពូជធ្មៃ គ្រាប់ជី និងគ្រាប់ខួរក្បាលផងដែរ។
១១. ចៀសវាងការប្រើគ្រឿងស្រវឹងជោគជាំ
គ្រឿងស្រវឹងសម្រាប់មនុស្សពេញវ័យមួយកែវអាចជួយអ្នកឱ្យសម្រាក។ ប៉ុន្តែនៅពេលដែលអ្នកទទួលទាន ពីរបីកែវ ឬច្រើនអាចប៉ះពាល់ដល់ជីវិតផ្លូវភេទរបស់អ្នក។ នោះក៏ព្រោះតែជាតិអាល់កុលបន្ថយអ័រម៉ូនតេស្តូស្តេរ៉ូន និងបង្អាក់ប្រព័ន្ធប្រសាទរបស់អ្នក ដែលប៉ះពាល់ដល់ឈាមរត់ និងអារម្មណ៍សរសៃប្រសាទ។ ដូច្នេះ វាអាចនឹងពិបាកសម្រាប់អ្នកក្នុងបង្កើនអារម្មណ៍ផ្លូវភេទ។ ការផឹកច្រើនពេកក៏អាចធ្វើឱ្យអ្នកខ្សោះជាតិទឹកផងដែរ។ នោះអាចនាំឱ្យអស់កម្លាំង ឈឺក្បាល និងស្ងួតទ្វារមាស។
១២. ចៀសវាងប្រភេទអាហារដែលមានផ្ទុកសារជាតិខ្លាញ់ឆ្អែត
អាហារដែលមានជាតិខ្លាញ់ច្រើនដូចជាសាច់គោ និងប័រ អាចប៉ះពាល់ដល់ចរន្តឈាមរបស់អ្នកតាមពេលវេលា។ នេះអាចពន្យឺតលំហូរឈាមទៅកាន់សរីរាង្គភេទរបស់អ្នក។ ក្នុងរយៈពេលខ្លី របបអាហារដែលមានសាច់ គួរតែត្រូវកាត់បន្ថយ។ ការញ៉ាំសាច់ច្រើនក៏នាំឱ្យអ្នកមានក្លិនខ្លួនមិនល្អផងដែរ។
មតិយោបល់