រំលងម៉ឺនុយទំព័រ

សារគន្លឹះ សុខភាព៖ តើអ្នកមានកង្វល់នឹងការរួមភេទលើកដំបូងរបស់អ្នកឬ?

សារគន្លឹះ សុខភាព៖ តើអ្នកមានកង្វល់នឹងការរួមភេទលើកដំបូងរបស់អ្នកឬ?

ព័ត៌មានសុខភាពយុវវ័យ
678

នៅពេលអ្នកចាប់ផ្តើមគិតអំពី "ការរួមភេទ" ជាលើកដំបូង អ្នកអាចហាក់ដូចជាមានអារម្មណ៍រំភើប រំជើបរំជួល ច្របូកច្របល់។ តែសង្គម និងវប្បធម៌នៅជុំវិញខ្លួនអ្នកបាននិងកំពុងប្រាប់អ្នកថា អ្នកនឹង "បាត់បង់ព្រហ្មចារី" ហើយវានឹងមិនអាចមានជាលើកទី២ទេ។

យោងតាមអ្នកជំនាញខាងផ្លូវភេទ បានលើកឡើងថា​ តាមពិតទៅ វាគ្មាន "ព្រហ្មចារី"នោះទេ។ ពាក្យនេះត្រូវបានបង្កើតដោយ​សង្គម​ដែល​បង្កប់​ក្នុង​គំនិត​ចាស់ ដើម្បីកាត់បន្ថយទំនាក់ទំនងផ្លូវភេទនៅក្នុងពេលយុវវ័យភាព។ តែវាក៏បង្កឱ្យមានភាពអាម៉ាស់ និងការមាក់ងាយកើតឡើង ព្រោះប្រសិនបើអ្នកមានអារម្មណ៍ថាបាត់បង់អ្វីមួយ អ្នកមិនអាចយកវាមកវិញនោះ អ្នកនឹង​មាន​អារម្មណ៍​ថា​មាន​កំហុស។

ទោះជាយ៉ាងណាក៏ដោយ! មុននឹងអ្នកធ្វើការសម្រេចចិត្តរួមភេទជាលើកដំបូង (ទោះជាអ្នកមានសិទ្ធិសម្រេចចិត្តលើរាងកាយខ្លួនឯងក៏ដោយ) អ្នកគួរតែសួរ និងឆ្លើយទៅនឹងសំនួរមួយចំនួនដោយខ្លួនឯងជាមុនសិន។

  • តើវាជារឿងដែលខ្ញុំពិតជាចង់ធ្វើមែនទេ? តើការសម្រេចចិត្តនេះគឺសម្រាប់ខ្លួនខ្ញុំ?
  • តើខ្ញុំមានភាពស្រណុកក្នុងចិត្ត លើរាងកាយរបស់ខ្ញុំហើយមែនទេ?
  • តើខ្ញុំដឹងពីរបៀបចរចាជាមួយដៃគូរបស់ខ្ញុំទេ?
  • តើ​ខ្ញុំ​នឹង​គិតគូអំពីភាពស្រណុកសុខស្រួល​ក្នុងពេលរួមភេទរបស់​ខ្ញុំ​ស្មើ​នឹង​ដៃគូ​របស់​ខ្ញុំ​ឬទេ?
  • តើទំនាក់ទំនងរបស់ខ្ញុំកំពុងស្ថិតក្នុងស្ថានភាពប្រសើរបំផុត និងជាបទពិសោធន៍ប្រកបដោយគុណភាពវិជ្ជមានសម្រាប់ខ្ញុំដែរឬទេ? (អ្នកជំនាញបានលើកឡើងថា ស្នេហាគឺជាពាក្យដែលមានន័យមហាសាល តែន័យទាំងនោះនឹងខុសៗគ្នាចំពោះមនុស្សផ្សេងៗគ្នា" ដូច្នេះគោលគំនិតរបស់អ្នកគឺ "តើមានការយកចិត្តទុកដាក់ ការគោរព និងសមធម៌នៅក្នុងភាពជាដៃគូរបស់អ្នកទេ? គ្មានការបង្ខិតបង្ខំ ដាក់សម្ពាធមែនទេ?"
  • តើខ្ញុំដឹងពីរបៀបគ្រប់គ្រងផលដែលអាចមានបន្ទាប់ពីរួមភេទដែរទេ? ជាឧទាហរណ៍ ១) ការហ៊ានទៅទទួលការព្យាបាលជំងឺកាមរោគ? ២)ទទួលរងការនិយាយអាក្រក់ពីអ្នកជុំវិញ ទាំងអ្វីដែលអ្នកបានប្រព្រឹត្ត ឬមិនបានប្រព្រឹត្ត? ៣) ប្រសិនបើខ្ញុំរួមភេទដោយមិនបានការពារ ខ្ញុំនឹងមានផ្ទៃពោះដោយមិនបានគ្រោងទុក។ ហេតុនេះ ​ខ្ញុំ​ត្រៀម​ខ្លួន​ជា​ស្រេច​ក្នុង​ការ​ទិញ​ស្រោមអនាម័យការពារ​ជំងឺ​កាមរោគ និងប្រឹក្សាយោបល់ ជ្រើសរើសមធ្យោបាយពន្យារកំណើត ដែលសក្តិសមសម្រាប់ខ្ញុំដែរឬទេ?
  •  តើ​ខ្ញុំ​ត្រៀម​ខ្លួន​ហើយ​ឬ​នៅ​ក្នុង​ការ​និយាយ​ជាមួយ​អ្នក​ផ្តល់​សេវា​សុខភាព​អំពី​របៀប​ថែទាំ​ខ្លួន​ខ្ញុំ?
  •  តើ​ខ្ញុំ​ត្រៀម​ខ្លួន​រួចរាល់​ហើយ​ឬ​នៅ​ក្នុង​ការ​ប្ដេជ្ញា​ចិត្ត​ដើម្បី​ធ្វើ​តេស្ត​រក​ជំងឺ​កាមរោគ?
  • បើ​មាន​អ្វី​កើត​ឡើង​ដែល​ខ្ញុំ​នឹក​ស្មាន​មិន​ដល់ តើ​ខ្ញុំ​មាន​គម្រោង​ដោះស្រាយ​យ៉ាង​ម៉េច​ដែរ?
  • សូមសម្រេចចិត្តសារជាថ្មីលើការរួមភេទជាលើកដំបូងរបស់ខ្លួន ប្រសិនបើអ្នកមិនអាចឆ្លើយសំនួរទាំងអស់នេះបានទេ!

ប្រភេព៖ WebMD

អត្ថបទដោយ: RHAC

មតិយោបល់